Mələkə Ester

Müqəddəs Kitabda cəsarətli, müdrik qadınlardan biri olan Ester haqqında danışmaq istəyirəm. Ester ata-anasını uşaq ikən itirib yetim qalmışdı, Mordakay adlı bir qohumu ona qəyyumluq etmiş və onu öz qızı kimi böyütmüşdü.

Ester öz qohumunun evində böyüsə də, özünü tək deyil, sevilən bir övlad kimi hiss etmişdi və Mordakaya bir ata kimi etibar etmişdi.

Günlərin bir günü padşah Axaşveroş özü üçün əyalətin gözəl qızlarından birini mələkə seçməyi qərara alır. O, əyalətdə olan gözəl qızlar arasında Ester də var idi.

Amma Ester padşahı razı salmaq və mələkə seçilmək üçün saray hərəmağasından padşahın nəyi xoşlayıb  və nəyi xoşlamadığı hər şeyi dəqiqliklə öyrənir.

Bir ildən sonra seçim vaxtı gələndə Ester padşahın sevdiyi ətirlə ətirlənib, onun xoşuna gələn geyimi geyib padşahın görüşünə gedir.

Nəticədə padşah əyalətdə olan gözəl qızlar arasından ancaq bir nəfəri Esteri özü üçün mələkə seçir.

Burada qadınların gələcək ailə həyatı üçün çox vacib olan dərs budur ki, hər bir qadın öz ərini razı salmağa çalışmalı, ərinin nəyi sevib və nəyi sevmədiyini öyrənməlidir.

Ester hökmdarı öz itaətkarlığı ilə məftun etmişdi. Çünki padşah üçün təkcə qadınların gözəlliyi deyil, həm də onu razı salan xasiyyətlər,  mənəvi gözəllik də çox vacib idi.

Gözəlliyin sirri

Siz bir qadın kimi özünüzü gözəl sayırsınızmı? Əgər siz gözəl olsaydınız, özünüzü xöşbəxt sayardınızmı?

Əlbəttə ki, hətta gözəl qadınlar belə özlərini xoşbəxt saymırlar.

Bildiyimiz kimi Xudavənd insanları fəqli, bəzisini cazibədar, digərləri isə adi yaratmışdır.

Qadınlar cazibədar görünmək üçün indiki zamanda bir çox vasitələrdən: kosmetik vasitələrdən, saç düzümlərindən, müasir dəbdə olan geyimlərdən, hətta plastik əməliyyatlardan da istifadə edirlər.

Amma bu qədər vasitələrdən istifadə edib gözəl, cazibədar görünən qadınlar belə hələ də özlərini daxilən çirkin, gərəksiz hiss edə bilərlər.

Zəbur kitabında Davud Peyğəmbər belə yazır:  “Sən məni ecaskar, əsrarəngiz yolla yaratmısan, ona görə şükür edirəm”.  Zəbur  139:14

Həqiqətən də Allahın Kəlamında deyilən bu sözə diqqətlə fikir verin.

Bəs biz niyə özümüz haqqında pis düşünürük? Əlbəttə ki, bizə ətraf mühitdən təsir edən amillər də çoxdur. Uşaqlıqdan valideynlərimizin, qohumlarımızın və qonşularımızın bizim xarici görkəmimiz barədə dedikləri neqativ sözlər bu gün də bizim həyatımıza əks təsir göstərib bizi ruhdan salır.

Biz, insanların fikirləri ilə yox, Allahın bizim barədə olan müsbət düşüncələrinə əsasən yaşamalıyıq. Yaradılış kitabında deyilir ki, Külli- İxtiyar bizi öz sürətində yaratmışdır. Biz özümüzü sevməyə və başqalarına da hörmət etməyə çalışmalıyıq.

Əzizi dostum!

Sən bu dünyada yeganəsən. Sənin bənzərin ola bilər. Amma sən Allahın əsrarəngiz yolla yaratdığı yeganə gözəl insansan. O, gözəl rəssamdır, sən də Onun sənət əsərisən!

Qadının Ailə Münaqişələri

İndiki zamanda hər bir ailədə münaqişələrin olmasi labüddür. Ətrafımızda olan qohumların, qonşuların ailələrinə və ya da öz ailələrimizə nəzər salsaq, həqiqətən də orada nə vaxtsa problemlərin kəksinləşdiyi bir vaxtda münaqişələrin yarandığının şahidi ola bilərik. Münaqişələr ailə  büdjəsi, borc, gəlin- qaynana,  ər və ya arvadın xəyanət etməsi və s. ilə əlaqədar yarana bilər. Bəs görəsən indiki zamanda ailə münaqişəsiz yaşaya bilərmi? Müqəddəs Kəlamda bu barədə nə deyilir.

Gəlin əvvəlcə Yaradılış kitabında 2-ci fəsil 24-cü ayəyə nəzər salaq: Burada deyilir ki: “Kişi öz ata-anasını tərk edib arvadına qovuşacaq”.

Bir çox ailələrdə münaqişələrin yaranmasına səbəb yeni ailənin öz valideyinlərini tərk etməyib bir yerdə qalmasıdır. Qayınana hələ də öz oğluna və gəlninə nəzarət edib onlara öz məsləhətlərini verməkdə davam edir. Yeni ailənin qərarı ər və arvadın məsləhətinə əsasən deyil, adətən böyüklərin, yəni- qayınananın və ya qayınatanın məsləhətinə əsasən olur.

Yeni yaranmış ailədə ər və arvad müxtəlif ailə tərbiyələrinə,  fərqli dünya görüşlərinə əsasən fərqli fikirlər irəli sürürlər və nəticədə ailədə münaqişə yaranır.  Ailələrimizdə münaqişə olan zaman biz qəzəb, kin, bağışlamamazlıq, nifrət, qürür, düşmənçilik, hiddət, paxıllıq və s. kimi pis hisslər keçiririk.

İncildə yazılılır ki,  bu kimi pis düşüncələrə, hisslərə malik olan insan Allahın Padşahlığını irs almayacaq. Yəni əgər belə hisslərlə yaşayırıqsa biz cənnətə düşməyəcəyik.

İncildə deyilir ki, “şöhrətpərəst olmayaq, bir-birimizi hirsləndirməyək, bir-birimizə paxıllıq etməyək.”

İsa Peyğəmbər öz şagirdlərinə belə demişdi: “Qonşunu özün kimi sev”.  Allahın bizə buyurduğu bu əmr hələ də öz qüvvəsindədir.  Bu günahlı dünyada yaşadığımıza görə  bir problemlərlə üzləşirik. Amma Allah istəyir ki, biz bu münaqişələrin təsiri altında deyil, əksinə onlara qalib gələrək sülhdə yaşayaq.

Bəs bunu biz necə edə bilərik? Əlbəttdə ki, biz öz gücümüzlə hec nə edə bilmərik, hər şeydə Rəbbə etibar etməliyik. Münaqişədə olduğumuz insanları bağışlamaqla bu problemdən azad ola bilərik. Seçim isə bizdən asılıdır.  Biz ya pis fikirlərə qapanaraq ruh düşkünlüyündə, ya da onları bağışlayaraq sülhdə yaşaya bilərik.

Qoy Rəbbin sülhü sizinlə olsun.

Yeni Həyat

İmkan daxilində ömrün sonuna qədər xoşbəxt olmaqdan ötrü zaman daxilində bir səfərmi lazımdır?, Uğrunda bu qədər zəhmətə qatlaşdığımız şeylərə nail olduqdan sonra onlar nə üçün bizi məmnun etmir?, Əldə etmək üçün çalışdığımız şeyləri əldə etdikdən sonra nə üçün qane olmuruq?, Ola bilər siz hələ əsil həyatı tapmamısınız.

Bu saytın əsas məqsədi günahkar dünyaya, Allahın necə xilas verməsi və əbədi həyatı əldə etməsi barədə bildirməkdir. Əbədi həyat bizim həyatımızda ən mühüm bir rol oynayır.

İsa dedi,“İnsan bütün dünyaya yiyələnib öz canını itirsə, ona nə fayda olacaqdır?” Bu saytda siz çoxlu dəyişilmiş həyatlar barədə oxuya bilərsiniz. İsanın məşhur futbolçuların, Azərbaycanlıların və başqalarının həyatlarını necə dəyişdirilməsi və yeni həyat əldə etmələri barəsində öyrənin. Siz də Allahın Ruhani həyatına qoşulsanız, Yeni Həyat əldə edərsiniz. Amin!